واحد من شعب مصر

شاب بسيط بحب الناس

الاثنين، 2 أبريل 2007

وماذا بعد ؟؟

مررنا جميعا كشعب بحالة الولادة المتعثرة لما سمي بالتعديلات الدستورية . والحمد لله وبعد ما مررنا به رزقنا بما كنا لا نريده ولا نأمله رزقنا بكل شئ سيصعب علينا القادم أو سيصعب علينا الموجود والدائر . الحمد لله واهب كل شئ رازق الفقراء وملاذ التائهين كانت نتيجة
الاِستفتاء مبهرة الى أقصى الحدود وكانت كما توقعها الجميع . وانتصر رجال المستقبل ورجال الأعمال .الشئ الذي يسألة رجل الشارع الان هو ( وماذا بعد التعديلات الدستورية ) هل سيتم الأسراع من أنهاء عملية الحكم والأقاويل حوله وتخرس كل الألسنه بواسطة الدستور الجديد أم سيتم حل مجلس الشعب لأقصاء المعارضه الاسلاميه وغيرها من المجلس بغرض أتاحة الفرصة لوجود رجال لا يعرفون أصلا معنى كلمة مجلس شعب او دستور او حتى معارضه أو حكم أو سيتم أتخاذ الأجراءات ضد الشرفاء بواسطة ما يسمى (بقانون الأرهاب ) وذلك عند اللزوم ألأمر أصبح الان صعبا على رجل الشارع البسيط والفلاح الذي لايملك سوى فأسة والعامل الذي يطالب بزيادة أجرة أو يطالب بألاصلاح بداخل مصنعه . الأمور اصبحت تتعقد أكثر من سابق لأن الجميع الان لا يعرفون ماذا سيحدث والشئ الذي يلفت النظر الان هو حالة الهدوء الشديد من جانب الحكومه ورجالها ومن جانب المعارضه ورجالها سواء معارضه اسلاميه او غيرها . فهل سوف نرى سيئا في الايام القادمه ؟ أم سنرى المستقبل بأشراقه ؟ هذا هو حال الشعب في الشارع هذا هو حال من أستمع الى أجهزة الراديو والتلفزيون المصري وحال من وزع عليه أهداف التعديلات الدستوريه من جانب نواب الشعب المتمثلون في الاخوان او المستقلون ؟

17 تعليقات:

  • في 3 أبريل 2007 2:31 ص , Blogger أمــانــى يقول...

    ماحدش عارف ايه اللى هيحصل وما الغرض وما الفايدة من هذه التعديلات
    الا قانون الاهاب تحديدا واحد ظابط سألته من هو الارهابى قالى كل من يعكر صفونا يعنى ايه مممممممم
    يعنى نعمل تعظيم سلام للشرطة كلهم

     
  • في 3 أبريل 2007 12:01 م , Blogger مهندس زراعي يقول...

    لم يتم تحديد معنى كلمة أرهاب الى الان امريكا بجلالة قدرهالم تحدد كلمة أرهابي ولكنها تركتها مفتوحه حتى تستطع القضاء حتى على من يصلي في المسجد أو ملتحي أو حتى يقول أنها محتلة وظالمه ويجب حربها هذا هو حال أمريكا أما في مصر تركت مفتوحه حتى تقضي على أي شئ ينتمي الى الاسلام على اساس ان مصر دوله علمانيه تاره وغير علمانيه وغير دينيه تاره أخرى وتارة ليس لها مله
    عموما شكرا لزيارتك الكريمه ولك موفور التقدير

     
  • في 3 أبريل 2007 1:47 م , Blogger gohayna يقول...

    موضوع التعديلات الدستوريه موضوع شائك بشده
    محدش عارف ليه التعديل كان بالذات في الوقت دا
    واشمعني المواد دي هيا الي اتعدلت
    ومع انه تعديل سوري
    يعني بعض المواد اتعدلت
    والباقي كان تعديلهم يلغي الي قبلهم
    يعني الحاجه الوحيدة الي هنطلع بيها
    ان قانون الارهاب هياخد كل الي ماشي جنب الحيط
    يعني الوحدين الي ممكن يفلتو هما الي ماشيين في الحيط نفسه جواهه يعني
    وبرضه الله يعلم هيعدو ولا لا؟
    المهم خد بالك انت من نفسك والي بتكتبه
    علشان ميحصلش حاجه لاقدر الله

    تحياتي ليك علي مرورك عندي
    وارجو قبولي ضيفه دايمه عندك
    تحياتي وربنا يوفقك

     
  • في 3 أبريل 2007 2:06 م , Blogger ذو النون المصري يقول...

    الحال و المحتال في عصرنا القادم او الزمن القادم
    مصيبه و ربنا يسترهامعانا
    الووضع غير مامون اطلاقا
    و الكل تقريبا عارف الاجابه عن ماذا بعد هذه
    البعد هو
    الثوريث
    تحياتي

     
  • في 3 أبريل 2007 2:52 م , Blogger يا مراكبي يقول...

    إنت مستعجل على إيه بس .. كله جاي وما تقلقش

    مش هتقدر تغمض عينيك

     
  • في 3 أبريل 2007 4:24 م , Blogger david santos يقول...

    Hello!
    The picture of you blog is resemblant MESQUITA of Lisbon. Very nice. thank you. have a good day.

     
  • في 3 أبريل 2007 9:38 م , Blogger احلام ضايعة يقول...

    السلام عليكم

    صباحك سكر قبل اى حاجه

    الدستور الكلمة دى كل ما بسمعها بضحك وقلبى بيبكى

    كلنا بنتظر مجهول انا شاب مغترب بس كل ما بنسمع عن اللى بيحصل فى مصر قلوبنا بتنفطر

    احنا يمكن مش حاسين زيكم بالحاله لاننا مش عايشنها على الطبيعه بس دى بلدنا فى الاول والاخر وغيرتنا عليها شديده جدا .

    وبعدين ارهاب ايه اللى بتتكلم عنه بالدستور او من غيره اللى مش عاجبهم بيكون ارهابى وانت فاهمنى طبعا

    اما المعارضة وخلافه بالنواب صاحبة الاتجاهات الاسلاميه او اللى بتتمسح فى الاسلام فالهدف واحد هو الحكم سيدى الفاضل لفترة اسوا من فترة راجل قعد ونام على الكرسى

    ده رايى

    وليك منى كل احترام وتقدير

    احلام ضايعه مرت من هنا

     
  • في 4 أبريل 2007 12:40 م , Blogger NeRmeeN يقول...

    وانت اصلا كنت متوقع ان يحصل حاجة بعد الاستفتاء؟؟ المعارضة خلاص ريقها نشف و نفسها اتقطع (والناس اللى بتنزل مظاهرات تقريبا هى هى مفيش وجوه جديدة) وخلاص الحكومة عملت اللى عايزاه و حطت قانون الارهاب وشالت الرقابة القضائية من الانتخابات...سيبك من بقية المواد التانية اللى اتعدلت..دول كانوا عاملين زى السلطات و الطحينة اللى بتيجى مع الوجبة الرئيسية(المادة بتاعة قانون الارهاب)...مفيش حاجة هتحصل صدقنى بلاش تستنى اى تغيير ممكن يحصل

     
  • في 4 أبريل 2007 1:16 م , Blogger مهندس زراعي يقول...

    جهينه

    شكرا لمرورك وتعليقك الرائع

    تحياتي القلبيه لكِ

     
  • في 4 أبريل 2007 1:17 م , Blogger مهندس زراعي يقول...

    ذو النون المصري

    مرورك وتعليقك شرف كبير ليا

    تحياتي القلبيه لك

     
  • في 4 أبريل 2007 1:17 م , Blogger مهندس زراعي يقول...

    يا مراكبي

    ولا مستعجل ولا حاجه

    تحياتي لمرورك الفاضل

     
  • في 4 أبريل 2007 1:19 م , Blogger مهندس زراعي يقول...

    ديفيد سانتوس

    THAINK YOU

     
  • في 4 أبريل 2007 1:20 م , Blogger مهندس زراعي يقول...

    أحلام ضائعه

    تنويرك لصفحة التعليق بجد شئ بفخر بيه

    شكرا لحضورك العذب

     
  • في 4 أبريل 2007 1:21 م , Blogger مهندس زراعي يقول...

    نيرمين

    ربنا يبارك فيكِ ويحميكِ

    تحياتي لشخصك الكريم

     
  • في 4 أبريل 2007 1:48 م , Anonymous غير معرف يقول...

    أقولك حاجة ف سرك

    اطلع منها و ريح راسك

    وقت الفرج هتلاقي كل الأمور متسهلة إن النظام دا يسقط و يطلع نظام جديد

    و بعدين أنا متفائل جدا بالمثل القائل إن كل حكم جاء على رأس دبابة هيقع على رأس دبابة أيضا
    من الآخر،عملنا إية بالثورة؟ مش كان زماننا في العهد الملكي أحسن
    عالأقل كان الإسم واضح و صريح (( ملكية))
    إنما دلوقتي بيذلوك و يقولولك حكم ديموقراطي

    دا بقى ديموكتاتوري أو ديكتوقراطي أيهما أسبق

    كل اللي بيتقال عن الكفاح دة خرابيط
    طب ما بنقعد سنين بنكافح لكن وقت الفرج بتستجاب الدعوة و بيحصل اللي احنا عايزينه
    مش قصدي تواكل لكن قصدي نخلي الأمور تمشي ف مسارها الطبيعي و كله بييجي ف الطريق

    أهم حاجة ما تتحمقش و تهدا كدة و تشرب العصير عشان صحتك

    إحنا محتاجينك عشان بوستاتك الحلوة دي

    ع فكرة أنا عمري ما بحاول أعلق على موضوع سياسي لكن أسلوبك شدني فعلا

    تحياتي

     
  • في 7 أبريل 2007 12:44 م , Blogger مهندس زراعي يقول...

    محمد فوزي آل ربيع

    ربنا يبارك لك يا محمد

    أنا بس زعلان علشان الوضع

    عموما انا مش هبطل بوستات والجاي بعون الله هيكون أقوى

    تحياتي القلبيه لك

    وبجد شكرا على حضورك

     
  • في 25 يونيو 2007 3:43 ص , Blogger amy lee يقول...

    صباااااااحكو كدب
    ومبروك علينا الدستور الجديد
    ننعم غي خيره

     

إرسال تعليق

الاشتراك في تعليقات الرسالة [Atom]

<< الصفحة الرئيسية