واحد من شعب مصر: ما هو شكل مصر في المستقبل ؟

الأربعاء، 4 أبريل 2007

ما هو شكل مصر في المستقبل ؟

يا ريت كل واحد يكتب رأيه عن شكل مصر في المستقبل من وجهة نظره ؟

26 تعليقات:

في 4 أبريل 2007 في 3:41 م , šσяšαяαα يقول...

هيييييييييييييييييه
انا اول واحده هتجااااوب
احم احم...
انا بقى بتخيل مصر كالآتى:
هتمشى على مطبات..يعنى هيختفى الطريق المرصوف دا خالص,
وعمدان النور هتبقى من البوص.
بالنسبه للعربيات..الرجوع للعربيه الكارو مرشيدس اتنين وخمسين.
اما بقى السكن فهيكون فى الشارع..عالبحرى على طول يعنى.
المدارس هتتقفل هيكون بدالها الاحداث.
المدرسين هيغيروا المهنه لمؤلفين اغانى.
وقليل ماهتقابل ناس فى الشوارع,
عندك خمس قارات تانيين ابقى دور عليهم فيهم.
وبعدين فى المستقبل مش هيكون فى حاجه اسمها مصر.
اعتقد انها هتتحول لمملكه المشردين فى اللأرض.

معلش حالتى كآبه اوى النهاردة بس دا اللى حاساه من الحال اللى بيجرا فى البلد...وآآآآآآه يابلد

بس نخرج بقى من الحاله دى علشان نشكرك على تشريفك عندى واتمنى مايكنش دمى تقيل فى التعليق.

تحياااااتى
في 5 أبريل 2007 في 2:58 ص , FadFadA يقول...

يقول أحمد مطر
إني أرى سيارة
تسير في اضطراب
قائدها مستهتر
أفرط في الشراب
و الدرب طين تحتها
و حولها ضباب
مسرعة
مسرعة
السكر لن يلجمها
و الطين لن يرحمها
و النار و الحديد إن تحدرا
طاحا
و لم يمسكهما الضباب

سيحدث انقلاب

محمد
في 5 أبريل 2007 في 3:34 ص , غير معرف يقول...

طب مالكوا مسودين الحكاية كدة

مش يمكن الحال ينقلب رأسا على عقب؟

أرجو إن استنتاجاتكو ما تكونش مبنية ع الواقع اللي احنا عايشينه لأنو مش مقياس

الفرج قريب بإذن الله

ع فكرة أنا علقت ع البوست اللي فات كمان

تحياتي
في 5 أبريل 2007 في 9:44 ص , عمر عاشق القرآن يقول...

هو المستقبل فى ظل أخينا المحبوب قائد طائرة اليأس الى الجحيم ده مظلم تماما

لكن اعتقد ان فيه حاجة ايجابية مهمة جدا .. هى ان حجم الناس اللى بتعانى و حجم المعاناة بيزيد و ده بيقرب حظة الانفجار أكيد ..

فلو حصل انفجار فالموضوع حاجو من تلاتة اما هيضحك علينا زى ما اضحك علينا فى 1952 لما افتكروها ثورة وبس و ده استبعدو لو الانفجار كان شعبى فعلا و اما هيمسك حد محترم زى الاخوان مثلا .. وساعتها اما البلد تتظبط او تتحاصر و تبدأ التهديدات الأمريكية والاسرائيلية و فى اى حال هيبقى احسن من لو فضلنا مع اخينا الطيار فى نفس الطيارة

و ربنا يصلح الأمور ..
في 6 أبريل 2007 في 12:09 م , كلبوزة لكن سمباتيك يقول...

سؤال صعب
بس بدعي ربنا تكون بلد طيبة
في 7 أبريل 2007 في 12:33 م , مهندس زراعي يقول...

صرصوره

عموما انا معاكي أن مصر هتغمق وتفتح قوي في السنين الي جايه وربنا يستر

وشرف ليا زيارتك وربنا يبارك فيكِ

وشكرا على تعليقك الجميل
في 7 أبريل 2007 في 12:34 م , مهندس زراعي يقول...

الغالي محمد

كلام معقول برضه

بس يا ترى مين هيقدر ينفذه

شكرا لتشريفك ليا
في 7 أبريل 2007 في 12:36 م , مهندس زراعي يقول...

محمد فرج آل ربيع

ولا مسودنها ولا حاجه

بس زي ما تقول أحنا شباب ولينا أراء برضه

وعموما ربنا ما يجيب الا كل خير

شكرا لحضورك
في 7 أبريل 2007 في 12:38 م , مهندس زراعي يقول...

مشروع بطل

رأي كويس وسديد

بس الشعب اساسا سلبي

والاخوان عاوزين الاصلاح ومش مهم اي حد يحكم بس يحكم بشرع ربنا

عموما خير

وشكرا لتشريفك ليا
في 7 أبريل 2007 في 12:39 م , مهندس زراعي يقول...

سمبتيك

فعلا السؤال صعب

ربنا يستر

تحياتي لحضورك
في 8 أبريل 2007 في 12:19 ص , يا مراكبي يقول...

مستقبل؟
في 10 أبريل 2007 في 5:55 ص , Dr.khaled يقول...

هههههه
طب تعالى نفصل السؤال

ما: أداة استفهام مبينة على الفتح..لا حل لها من الاعراب

هو: الظاهر انه مبتدأ
شكل: خبر المبتدأ مرفوع وعلامة رفعه الضمة الزاهرة على آخيريهي

شكل مضاف..ومصر مضاف اليه مجرور بالفتحة نيابة عن الكسر
ليس لانه ممنوع من الصرف
ولكن لان امن الدولة كسر رجليه..فالجر معتشي ينفع من رجليه
...انما ينفع من اي فتحة تانية علشان كده الجر كان بالفتحة
في المستقبل...جار ومجرور..شبه جملة
؟ علامة استفهام

هاتوا بقه تمن الدرس الخصوصي
في اللوغة العرابية
في 12 أبريل 2007 في 4:26 ص , عين ضيقة يقول...

شكل مصر؟

اللى بنحلم بيها

وللا اللى هتبقى بجد؟

سلام كبييييييييييييييير
في 13 أبريل 2007 في 11:49 ص , مهندس زراعي يقول...

يا مراكبي

لا يأس مع الحياة ولا حياة مع اليأس
في 13 أبريل 2007 في 11:52 ص , مهندس زراعي يقول...

ماشي يا عم خالد

شكرا يا كبير

على الدرس

وتحياتي
في 13 أبريل 2007 في 11:54 ص , مهندس زراعي يقول...

عين ضيقه

تحياتي لمرورك الرائع

شكرا
في 13 أبريل 2007 في 1:05 م , Nothing To Lose يقول...

الى متخيلاه
ارهاب
سجن
وقهر
اكتر طبعا من الى احنا فيه
والله فعلا مش لاقيه كلام يعبر عن مدى السوء الى هنعيشه الفترة الى جايه
بحاول الاقى كلامات مناسبه
لكن فعلا عاجزو عن دا
بس بجد احنا هنكون فى ضياع
والشعب حيكون بس انصار الحاشيه
والباقى كله عبيد
منهم لله
وحسبى الله ونعم الوكيل بجد

نورت مدونتنا المتواضعه:)
في 13 أبريل 2007 في 4:11 م , غير معرف يقول...

مصر في البتاع اللي اسمه مستقبل
مستقبل يعني قودام طبعا
وقودام يعني بعد فترة
اعتقد هنبقي قسمين
قسم المسلمين وقسم النصاري
وحرب اهلية بين الاتنين
ورئيس المسلمين يدعوا للمفاوضات
ورئيس المسيحين عامل عبيط وفرحان لان في ضهره الامريكان
وطبعا كل يوم مظاهرات
واخيرا جبل المقطم هيبقي ليه فايدة
عشان هنجيب منه الطوب والزلط اللي هنضرب بيه بعض
او هيستخدمه المسلمين علي الاقل
باعتبار ان النصاري امريكا هتسلحهم
بس ده هيبقي بعد فترة كبيرة
عشان امريكا بتقرقش الدول العربية واحدة واحدة
من الصغير للكبير
واعتقد ان ترتيبنا احنا قبل الاخير
قبل السعودية يعني
وربنا يرزقنا بشاب ابن حلال
امه ملتزمو دينيا واخلاقيا
وابوه شجاع وراجل كلتزم بيحب دينه وبيغير عليه
يجيبولنا الشاب ده
اللي يتربي وسط الشجاعة والتدين والاخلاق
فيخرج كامل الاوصاف
جرئ و شجاع وبيقول الحق وايجابي
كلمته حلوة ومسموعة
ويجمع شمل العرب
طبعا مش في يوم وليلة
لا هيأخد فترة
واحدة واحدة
ونقف كلنا وراه
كل ده في المستقبل
بس انا قولت اوسع الرؤية
عشان المستقبل زي ما فيه وحش
فيه برضه حلو
اللي هو الشاب ابن الحلال ده
يارب اكون ليا ايد ساعتها في اي حاجة
واحس اني عملت حاجة لديني ووطني
بدل ما انا مقضيها كدة في الضياع والسرحان
في 14 أبريل 2007 في 2:31 م , NeRmeeN يقول...

هيحصل حاجة...هنفضل قاعدين فى الركود اللى احنا فيه بردو...يعنى انت لو رجعت ورا 25 سنة مثلا هتلاقى اللى بيحكومنا هما هما والوزراء هما هما..والفوضى والفساد هما هما ..ولو طلعت 20 سنة تلاقى نفس الحاجات بردو...مصر عايشة فى ديب فريزر
تحياتى
في 14 أبريل 2007 في 2:32 م , NeRmeeN يقول...

معلش هو فى بس كلمة وقعت من الكومنت بتاعى ...كانت فى اول الكلام ...وهى كلمة مهمة جدا وهى كلمة(مش)
في 19 أبريل 2007 في 4:07 م , About Me يقول...

مستقبل؟؟؟....يعني ايه مستقبل اصلا؟؟؟
في 11 أبريل 2008 في 1:43 م , غير معرف يقول...

عيد احمد من القليوبيه
مستقبل مصر من وجهة نظرى
انها هاتكون كلها حراميه ونصابين
وما حدش هايقدر يوقفهم
لاان الحكومه نفسها حراميه واحنا عرفين ده كويس وشايفينه بس بنحاول نضحك على نفسنا او هما اللى بيضحكوا علينا بشوية الخطب فالشعب فى المستقبل ها يعمل زيهم ماهو مش لاقى ياكل من دالوقت امال فى المستقبل هايكون ايه وطبعا الارهاب هايكتر والحكومه السبب ماهو دالوقت المتدين بيقولو عليه ارهابى فابلفعل الناس هايتركو الدين من الخوف من الحكومه
وهايحصل بلااوى كتير وكتير
وربنا يستر
في 25 أكتوبر 2008 في 4:19 ص , غير معرف يقول...

ايبخاتن اتنمسيتبخ انميبا اتنحستيبا انمستيبا اتمنتاسبي ان ....... انا أسف تقريبا محدش فهم حاجة هو ده بالضبط مستقبل مصر
في 23 أبريل 2009 في 3:03 م , gypsgyps يقول...

بسم الله الرحمن الرحيم انا هقول راى وراى صاحبى حسين
هو رايه بيقول ان مصر فيهااجمل واشجع واقوى واذكى واطيب شباب ولا توجد تفلرقه فى الاديان ومستقبلها هيكون ممتاز بشبابها وناسها الطيبين والمخلصين بس محتاجين التقوى والاخلاص والعمل الجاد لانشاء دوله قويمه متتطوره بشعبها الاصيل امضاء حسين ام انا هيكون راى انا احنا نحب البلد تانى ونكون صالحين ونبطل كل واحد يفكر فى نفسه وبس وفدنيته الفانيه ذى ما بيقول حسين وعموما كله ماشى ومانخافش من اى حد ولا من اى نفوذ و سلطه وقال المولى عز وجل يا ابن ادم لا تخف من ذى سلطان مادام ملكى وسلطانى لا يزول امضاء نقطه من دم شهيد اكتوبر
في 23 أبريل 2009 في 3:05 م , gypsgyps يقول...

بسم الله الرحمن الرحيم انا وصحبى حسين
هنقول رلينا
هو رايه الاول بيقول
ان مصر اجمل بلاد العالم وبها اشجع واجمل واقوى واذكى واخلص الناس لا تفرقه بين الاديان ومستقبلها موجود بشبابهاوناسها واهلها الطيبين بس لازم نكون ايجابيين نخلص لانفسنا وللمجتمع ونتقى الله سنكون اكرم واعلى واقوى شعب بالاخلاص امضاء حسين اما راى انا فالمستقبل ده فى علم الله
ولو احنا افتكرناه اكيد هيفتكرنا
بس نبطل نفكر كل واحد فى نفسه وفالدنيا بس
عموما كله ماشى وكله يبقى لرئيس جمهوريه نفسه وما يخفش ادام الموت جى جى لا يخاف من نفوذ ولا سلطه وقال تعالى
يا ابن ادم لا تخف من ذى سلطان مدام ملكى وسلطانى لا يزول امضاء نقطه دم من شهيد اكتوبر
في 11 يوليو 2009 في 9:01 ص , غير معرف يقول...

انا اتوقع هتبقى اجمل ويبقى يها ناطحات سحاب انسائ الله

إرسال تعليق

الاشتراك في تعليقات الرسالة [Atom]

<< الصفحة الرئيسية

واحد من شعب مصر

الأربعاء، 4 أبريل 2007

ما هو شكل مصر في المستقبل ؟

26 تعليقات:

من أنا

\اسمع معايا وولى رأيك

الرسائل السابقة